Кышномурт 877 сюрс манет коньдонтэк кылиз

 БР-ъя МВД-ын ивортэмзыя, нылкышнолы тодмотэм номерысен жингыртӥллям. Тодмотэм пиосмурт банкын ужасько шуэм. Со оскытэм, нылкышнолэн нимыныз банкын кредит басьтыны туртто, соин счётысьтыз коньдонзэ мукет счётэ выжтоно шуыса. Нылкышно тодмотэм адямилэн верам счётаз коньдонзэ выжтэм.

МВД тодады вайытэ: коньдондэс тодмотэм адямилы эн выжтэ. Тодмотэм адями банкын ужасько шуыса телефон пыр ке вазиз, трубкадэс понэ. Соцсетьёсын но туж сак луоно. Тодмотэм адямиослы эн оске. Нош тодмоостылэн страницаысьтызы коньдон кулэ шуыса сообщениос вуизы ке, одно ик соослы жингыртэ, ваньзэ пыр-поч тодэ.

Фото: ИА «Башинформ»