Благотворительной концерт калыкъёслэсь огъя луэмзэс возьматӥз

Нимысьтыз военной операциысь ожгарчиослы юрттэт возьматон вылысь радъяськем ужрадэ ёросысь фольклор ансамбльёс но оген кырӟасьёс пыриськизы. Сцена вылысен бигер, пор, ӟуч но удмурт кырӟанъёс чузъяськизы. Котькуд номерез учкисьёс кужмо кичабонъёсынызы пумитазы.

Та ӝытэ Бадӟым Туганеевоысь «Марӟан» ансамбль но люкаськем калыклы шулдыр кырӟанъёссэ кузьмаз. Удмурт кышномуртъёс вормон, шудо азьпал улон сярысь анай кылынызы гуръёссэс кисьтӥзы.

Крезьгур ужрад пӧртэм калыкъёслэсь огъя луыса улэмзэс но бадӟым  кужымзэс  возьматӥз. Благотворительной концертын поттэм коньдон ож бусыосын тушмонлы пумит нюръяськись пиосмуртъёслы пыкет луоз но соослы азьпала мыныны оскон сётоз.

Фото: Большетуганеевский сельский клуб