Ожгарчиослы юрттэт возьматон ужъёс азинтӥсько

Янаул ёросысь Шудекысь калык СВО кутскем дырысен вормон понна тырше. Удмурт гуртысь лыдъянтэм трос гуманитарной юрттэт лэземын. Со сяна, клубазы ожгарчиослэсь улонзэс капчиятӥсь макеосты лэсьто. Кылсярысь, гуртоос окопной свечаос тупато, кышномуртъёс шуныт нырос кертто, лапша вандо, пӧртэм турынъёслэсь чай дасяло.

Туннэ нуналозь но Шудекын масксетка керттон ужъёс мыно. Гуртоос, вакыт шедьтыса, котькуд нунал сямен та уж бордын тыршо. Угось соос оско: калыкмы пичиен ке но юрттэт карыны быгатӥз ке, вормон ӝоггес дорамы вуоз.

Фото: Шудекская сельская модельная библиотека