Пиослэсь вормонэн бертэмзэс витё

Вашкала сям-йылолъёсты но соос сӥлы каро.

Банибашын улӥсьёс нимысьтыз военной операцие пыриськисьёслы юрттэт возьматон сярысь но сюлмасько. «Бускель Истяк гуртэ маскировочной сеть керттыны ветлӥмы, нош туэ малпанмы кылдӥз, та ужез гуртамы быдэстомы шуыса, – вера Ульяна Накиповна. – Школалэн юртаз люкаськиськом. Кин ку быгатэ, соку ик потэ масксеть керттыны. Дорысь обогревательёс ваим, озьы ужан интымес шунтӥськом. Пиосмуртъёс масксеть керттыны каркас лэсьтӥзы».

Нуналлы быдэ ужаны мынэм сямен гуртысь кышномуртъёс школае вамышто. Альфия Ахметова, Светлана Галиева, Надежда Зияева, Елена Миншакирова, Елизавета Мухтарова, Эвелина Сайфиева, Ольга Шакирова, Дуся Яппарова, Ульяна Яппарова ваньмон дырзэс ӟеч уж лэсьтонлы сӥзё. Соос оско, шаермес утисьёс соослэсь юрттэтсэс шӧдо шуыса. Банибашъёс пиослэсь  вормонэн бертэмзэс чидатэк витё.