Школаын ярмарка ортчиз

Школаын дышетскисьёс нимысьтыз военной операцие пыриськисьёслы юрттэт возьматон вылысь котьма ласянь тыршо. Кылсярысь, нылпиослэн, анай-атайёслэн но дышетӥсьёслэн кужыменызы школа гуманитарной юрттэт дася. Пиналъёслэн сюлэм шунытэнызы пыӵам гожтэтъёсынызы ӵош ож бусыосы сиён-юонъёс, шуныт дӥськутъёс, эмъюмъёс но ожгарчиослы мукет кулэ луись макеос трос пол вуизы ини.

Со сяна, Краснохолмскийысь кыкетӥ номеро школаын пыжиськемъёсын ярмаркаос ортчытон ужрад сям-йылоллы пӧрмиз. Нылпиос асьсэлэн киосынызы лэсьтэм чеберъяськонъёсты, пыжем-пӧзьтэмъёсты ог-огзылы, дышетӥсьёслы вузаса коньдон потто. Берло ортчем вузкарон ужрадэ ёросысь «Боевое братство» огазеяськонлэн ёзчиосыз, полициын ужасьёс вуизы. Соос, нылпиослэсь вузъёссэс басьтыса, бадӟым ужлы юрттэт каризы.

Котькуд ар школаысь ярмаркаын поттэм коньдон СВО-ысь ожгарчиослы юрттэт луэ.