Шуныт пумиськон ортчиз

Венера Чужекова котьку но лякыт сямыныз висъяськиз. Со доры вуись куноосты кышномурт шумпотыса но ӟеч мылкыдын пумита.

Та нуналъёсы Бадӟым Туганеевоысь клубын культорганизатор луыса ужасьлэн Ольга Диязовалэн кичӧлтэмезъя гуртысь кышномуртъёс Венера Галимзяновна доры вуизы. Угось анайлэсь лулпушсэ валаны нылкышно гинэ быгатоз. Венера Чужекова котькуд нунал пиез понна сюлмаськыса улэ, солэсь ӟеч иворзэ вите. Гуртысь эшъёсыз дораз вуыса, кышномуртлэн нуналэз капчигес но шунытгес ортчиз. Ӵошен соос вераськыса, серекъяса вакытлэсь быземзэ но ӧз шӧдэ. Берло куное вуэм нылкышноос Венера Галимзяновнаез тулыслэн чебер праздникеныз ӟечкылазы, пичияк кузьымен но пусйизы.

Фото: Большетуганеевский сельский клуб