Шаермес утисьёс юрттэтмес шӧдо

- СВО-е Башкортостанысь 170 гумконвой – 19 сюрс тонналэсь ятыр сиён-юон, ву, дӥськут но мукет арбеириос - келямын, - гожтэ вотэс бамаз Башкортостанлэн тӧроез Радий Хабиров. -  Ожгарчиослы юрттэт возьматонэ быдэс республика пыриське: бадӟымесь предприятиос, ужбергатӥсьёс, огшоры адямиос.Жадёнэз валатэк тыршо волонтёръёс. Минигали Шаймуратов нимо волонтёр штабын гинэ 20 сюрслэсь ятыр адями лыдъяське. Солэн ёзэтэз котькуд муниципалитетын вань. Со сяна, мукет волонтёр огазеяськонъёс но вань. Соос но азинлыко ужало. Кылем арын «шаймуратовецъёсын» 35,7 сюрс масксеть керттэмын, 73,5 сюрс защитной костюм но дронъёслэсь утись шобретъёс вуремын, 71,5 сюрслэсь трос окопын кулэ луись сюсьтыл лэсьтэмын, 5,7 тонна лапша вандэмын, чак-чак, баурсак пыжемын, 25,5 сюрс банка пӧртэм консерваос дасямын но мукет. Со сяна, ожгарчиослы 300-лы матэ автотехника, 200 генератор, 64 мобильной мунчоос ыстэмын. Волонтёръёс СВО-е пыриськисьёслэн семьяоссылы юрттэт возьматон сярысь но трос сюлмасько. Бадӟым тау ваньдылы, кин юрттэт кизэ мыче, кин вормонэз ваёнэ кужымзэ понэ.

Татышлы ёросысь Улысь Балтач гурт поселениысь гуртъёсын улӥсьёс но пиослы гумюрттэт дасянлэсь палэнэ уг кылё. Котькин тырше аслэсьтыз люкетсэ пыртыны: масксеть кертто, коньдонэн юртто.

Туспуктэм вылын: Улысь Балтачысь культура юртын масксеть кертто.