Шаермес утисьёс дор палъёсысьтызы шунытэз мед шӧдозы

Та нуналъёсы огазеяськонысь «ӧрӟиос» - Татышлы ёросысь Улысь Балтачысь школаын 3-тӥ классын дышетскисьёс -  «Орлёнок-доброволец» трек улсын радъяськись ужрадъёсы пырисько. Алигес соосты ӟечлык, умой ужъёс лэсьтонлы сӥзем ужрад огазеяз. Дышетӥсьсы Надежда Шайсламова пиналъёслы «доброта», «доброволец», «благотворительность», «волонтëр» кылъёслэсь пуштроссэс валэктӥз. «Нылъёслэн но пиослэн ӟеч уж лэсьтон мылкыдзы пуромиз. Соос анай-атайёсынызы ӵош шаермес утисьёслы гумюрттэт дасязы. Со сяна, нылпиос ожгарчиослы гожтэтъёс гожтӥзы, тазалык но вормонэн бертон сӥзизы», - гожтэ вотэс бамаз Надежда Гафитовна.

Тодады вайытӥськом: «Орлята России» программа «Образование» нацпроект улсын кылдытэмын. Со пӧртэм трекъёслэсь сылэ: «Орлёнок-эрудит», «Орлёнок-доброволец», «Орлёноу-мастер», «Орлёнок - спортсмен», «Орлёнок – хранитель исторической памяти», «Орлёнок - эклолог», «Орлёнок - лидер». Та программае пыриськисьёс огазе кариськыса, ар ӵоже пӧртэм творческой ужъёс быдэсъяло. Отчы пичиосты кыкетӥ классысен куто.

Фото: соцсети Надежда Шайсламова