Гуртоос ожгарчиос понна тыршо

Пӧртэм аръёсы странамы тушмонлы пумит султоно луиз. Нош секыт вакытъёсы калыкмы котьку но огинэ кариськыны быгатӥз. Али кылдэм югдурын но Россиын улӥсьёс асьсэды синмаськымон возьмато. Пиосмуртъёс ож бусыын тушмонлы пумит нюръясько, нош  ож мышкын луисьёс соослы вань кужмын юрттэт возьматыны тыршо.

Бурай ёросысь Алтау гуртысь калык нимысьтыз военной операция сярысь телевизор, радио но газет-журнал пыр гинэ уг тодо. Жаляса верано, гуртазы но СВО-ысь кулыса бертэм ожгарчи луиз. Валерий Фаршатовлы сӥзьыса алтауос нимысьтыз сад но мерттӥзы. Соин Алтауысь калык нимысьтыз военной операцилэсь кайгу ваемзэ умой вала, быгатэмзыя соос ожгарчиослы юрттэт возьматыны тыршо.

Та нуналъёсы но Алтауын гуманитарной юрттэт дасязы. Гурт калык шуныт дӥськутъёс, астэ утялтон макеос, эмъюмъёс но сиён-юонъёс ваиз. Соослэн тыршемзы ож бусыосын одно ик юрттэт луоз.