Ожгарчи вордскем палаз шутэтскыны вуылӥз

Егит пиосмурт нимысьтыз военной операцие мобилизация улсын шедиз. Со дырысен куинь ар ӵоже со тушмонлы пумит вамыштэ. Ожгарчилы трос шуг-секытъёсты адӟыны кылдӥз ке но, пиосмуртлэн сюлэмыз берлань ож бусые, эшъёсыз доры куриське.

«Мачете» позывнойен ожгарчи доры Бурай ёросысь «Боевое братство» огазеяськонлэн ёзчиосыз Артём Атнафиков, Герман Ахметшин, Мамады гуртысь культорганизатор Лилия Атнафикова, Азякысь библиотекаын ужась Асия Минлиева вуизы. СВО-ысь шутэтскыны бертэм пиосмурт пумиськонлы шумпотӥз но вань гурт калыклы гуманитарной юрттэт люкамзы понна тау кылъёссэ вераз.

«Мачете» сярысь тросгес лыдӟыны быгатоды газетмылэн вуоно номеръёсысьтыз.

Фото: Мамадинский сельский клуб Бураевского района