Масксеть пиослэсь улонзэс уте

Ож лудын тужгес кулэ луись арбериос пӧлысь одӥгез - со масксетьёс. Отпуске бертэм ожгарчиосын пумиськыку, соос пусъё, масксетьёс котьку кулэ шуыса, соос пиосты кышкытъёслэсь утё.
Татышлы ёросысь котькуд гуртын сямен масксеть керттон ужъёс радъямын. Куд-огаз пичи гуртъёсын сыӵе луонлыксы ӧвӧл ке, отын улӥсьёс бускель гуртъёсы юрттӥськыны вуыло,
Кызыл-Ярын улӥсьёс но ӟеч уж лэсьтонлэсь палэнэ уг кылё. Ваньмон дырзы луыку, соос гуртысь клубе масксеть керттыны дырто. Та ужез радъян - клубысь культорганизатор Лариса Шардинова вылын. "Масксеть керттыны 10-15 кузя люкаськиськом. Кин ке лентаос вандылыса дася, кин ке сеть керттэ, - вера Л. Шардинова. - Вить масксеть керттыса СВО-е лэзимы ни".
Волонтёръёс пусъё, куд-ог дыръя масксеть керттон материалэн шуг-секытъёс кылдо. Соку ини ужзы дугдэ. Нош спанбонд ваё ке, ужзы ӧръяське, одӥг нуналлы но дугдыса уг улы.
Киужен вырисьёс котькуд петлязы борды сюлэм шунытсэс пуно, соос оско, керттэм масксетьсы кинлэсь ке но улонзэ утёз шуыса. Шаермес утисьёсты соос вормонэн витё. Соин ик Кызыл-Ярысь калык гумюрттэт но люка.

Фото: СДК д.Старый Кызыл-Яр