Янаул ёросысь удмурт гуртъёсын благотворительной концертъёс ортчизы

Коньывуон толэзь пумын таӵе концерт Шудекын радъяськиз, нош куинетӥ шуркынмонэ Вуж Варашысь культура юртын ортчиз. Отчы Вуж Яш гуртысь культура юртын, Актуганысь клубын ужасьёс, бускель Калтасы ёросысь коллективъёс, кырӟасьёс пыриськизы. Ужрадэз усьтыса, концертэ лыктэмъёсты Калыкъёслэн огкылысь луон нуналэнызы ӟечкыласа вераськиз Вуж Вараш гурт поселениен кивалтӥсь Эльза Минликузина. Со пусйиз, та ужрад нимысьтыз военной операцие пыриськисьёслы но соослэн матысьёссылы юрттэт возьматон вылысь радъяське шуыса. Угось туннэ нуналлэн валтӥсь ужпумез – вормон понна ӵош кариськоно.

Фото: Администрация Староваряшский сельсовет