Вордскем палъёслэн шунытэнызы пыӵам ныросъёс ожгарчиосты шунтозы

Кылсярысь, Калтасы ёросысь Бадӟым Качак гуртысь нылкышноос «Носки солдату» акцие пыриськизы. Кышномуртъёс  гуртысьтызы культура юртэ киужъёсынызы вуизы. Ӵошен угось вань ужъёс капчигес быдэстӥсько. Соин, лэся, усто киос ӝыт куспын трос гинэ керттӥськизы. Ужрадзэс нылкышноос кырӟанъёсын шулдыртӥзы. Удмурт гуръёсын, кышномурт киослэн шунытэнызы пыӵам ныросъёс   ожгарчиосты кезьыт окопъёсын шунтозы, кужым но оскон кузьмалозы.