Анай сюлэмысь вӧсь луон уз буйгатскы

СВО Россиысь калыкез одӥг кайгуэн огазеяз. Жаляса верано, трос анайёс вордэм пиоссэс ыштӥзы, нылпиос атайтэк кылизы. Туала югдурын котькуд анай ожгарчиос понна Инмарлы вазиське, соослы тазалык куре.

 Байшадыын радъяськем ужрадын но анай сюлэмез позыртӥсь малпаськонъёс сярысь вераськизы. Угось ӵошен бадӟым кайгуэз но вормыны капчигес. Шудо улонмы понна бырыны шедем Артур Бадамшинлэсь анаезлэсь бӧрдӥсь сюлэмзэ эмъяны уз луы ни ке но, калык пӧлын вераськыса но шутэтскыса, лулпушез вӧсь луэмзэ ӧжытлы вунэтоз.

Фото: Байшадинский сельский клуб Бураевского района