Огъя кужымен гинэ тушмонэз вормыны луоз

Сое шаермес утисьёс доры вуттон сярысь сюлмаськиз Суккулово гурт поселенилэн администрациеныз кивалтӥсь Олег Никитин. Гумюрттэтэз быдэс ёросэн люказы: котькудӥз мылкыд карись быгатэмезъя юрттӥз.

- Таиз гумобоз 5-тӥ номеро танковой батальонлэн А. В. Захарченко нимо нимысьтыз гвардейской мотострелковой бригадаысь пиослэн куремзыя люкамын. «Рубеж» позывноен улосчимы отын службазэ нуэ. Со куронэн вазиськиз, пиослы техника кулэ шуыса. Вераны кулэ, техника басьтыны шаермес утись пиос асьсэос ик коньдон выжтӥзы. Соосын юн кусып возись Олег Михайлович Никитин УАЗ машина басьтыса, вакчи дыр куспын сое пиос доры вуттон сярысь сюлмаськиз, - вотэс бамаз ивортэ Ермекей ёрос администрациен кивалтӥсь Рустам Алимгафаров.

Гумюрттэтэн ӵош пиослы масксетьёс но лэзизы. Соосты «Здесь и сейчас» волонтёр клублэн ёзчиосыз пунӥзы. Тодады вайытӥськом: клублэн центръёсыз ёросысь гуртъёсын но ужало. Купченейын но масксетка керттон ужъёс радъясько.

Фото: соцсети Рустам Алимгафаров