Башкириысь волонтёръёслэн ужзы номырин ӵошатонтэм

Башкортостанын 150-лэсь трос волонтёр цехъёс кылдытэмын. Отын дас сюрслэсь трос адями тырше. Соос ужзы понна дун уг куро, вормон понна ӟеч уж лэсьтон сярысь сюлмасько. Тросэз маскировочной сетьёс керттон бордын тыршо.

Волонтёр ужъёсты радъянын Башкортостан, Россиысь регионъёсын ӵошатыса, нырысетӥос пӧлын луэ. Со сярысь Москваын ортчем «Всё для Победы!» форумын но веразы, республикаысь волонтёръёсты РФ-лэн президентэзлэн администрациеныз кивалтӥсь Сергей Кириенко данъетъёсын пусйиз. Волонтёръёслэн ужзылы Башкортостанлэн тӧроез Радий Хабиров но вылӥ дунъет сётэ.

- Республикаысь волонтёръёс шаермес утисьёслы пӧртэм ласянь юртто: масксеть пуно, окопъёсын кулэ луись сюсьтылъёс лэсьто, гумюрттэт люкало, - вера Радий Хабиров. – Ваньзылы бадӟым тау шуисько. Ӵошен гинэ вормонэз вайыны быгатомы.

Туспуктэм вылын: Янаул ёросысь Барабановка гуртысь клубын но масксеть керттон уж радъямын.

Фото: Барабановский СК