Шаермес утисьёслы – турын-куаръёслэсь чай

Куасьтэм турын-куарен парем чай туж ческыт кошке, тазалыкез но юнматэ. Табере сыӵе чайёсты нимысьтыз военной операцие пыриськисьёслы но ӵем ысто. Пермь шаерысь Куеда ёросысь Гожанысь пиналъёс но турын-куар бичан ужрадэ пыриськизы. Сое гуртысь клубын ужась Людмила Шаяхметова радъяз.

- Вормон понна ваньмы тыршиськом. Котькуд будосэз ӟеч, сайкыт малпанэн басьтӥмы. Ожгарчиосмы, окопъёсы пырыса чай юыкузы, одно ик вордскем музъемзылэсь шунытсэ шӧдозы, анайзы, матысьёссы сярысь малпанзы соослы кужым сётоз, - шуо пиналъёс.

Дор палъёсазы вакчи отпуске бертыкузы шаермес утисьёс пусъё, дор палъёсысьтызы вуэм юрттэт соослы туж кулэ шуыса. Гумюрттэт понна соос пумтэм тау кылъёссэс верало.

Фото: Гожанский сельский клуб