Юрттэт возьматон мултэс уг луы

Волонтёръёс ваньмон дырзэс масксеть керттонлы, окопъёсын кулэ луись сюсьтылъёс лэсьтонлы, гумюрттэт люканлы сӥзё. Кылсярысь, Минигали Шаймуратов нимо штабысь волонтёръёс кылем арын дас сюрслэсь трос маскировочной сеть пунӥзы, 25 сюрслэсь ятыр окопной сюсьтыл лэсьтӥзы. Туннэ но та уж дугдыса уг улы. Татышлы ёросысь Вылысь Балтачысь «Тыр толэзь» ансамбле ветлӥсьёс но масксеть керттонлэсь палэнэ уг кылё, дырзэс шыръяса, Улысь Балтачысь культура юртэ дырто.

«Волонтёръёс праздникъёсы но ужало. Шаермес утисьёслы ыстыны масксеть керттон, окопной свеча лэсьтон, гумюрттэт люкан республикаын ноку уг дугдылы. Волонтёръёсмы ожгарчиослэн семьяоссылы но юрттэт возьмато. Кылсярысь, пу люкало, юртъер котыразы утялско но мукет. Ваньзылы бадӟым тау, кин та ӟеч ужлэсь палэнэ уг кыльы. Ӵошен кариськыса гинэ вормыны луэ», – вера Башкортостанлэн тӧроез Радий Хабиров.

Фото: СК д.Бигинеево