Удмурт гуртын благотворительной концерт ортчиз

Крезьгур ужрадэ Калтасы но Янаул ёросъёысь удмурт коллективъёс но оген кырӟасьёс пыриськизы. Ужрадэз усьтыса но люкаськем калыкез пумитаса БР-ысь удмуртъёслэн национально-культурной центрзылэн Калтасы ёросъя филиалэныз кивалтӥсез но Калтасы ёросысь «Боевое братство» огазеяськонлэн ёзчиез Г.Д. Хайдаршин вераськиз.

Озьы ик сцена вылын нимысьтыз военной операциысь ожгарчиослэсь анай-атайёссэс но кузпалъёссэс данъязы но пичияк синпель кузьымен пусйизы.

Бадӟым Качак гурт поселениысь трос пиосмуртъёс ож бусыын тушмонлы пумит нюръясько. Жаляса верано, СВО-ын быремъёслэн но лыдзы ӧжыт ӧвӧл. Кылсярысь, Чиндэр гуртын будэм вить воргоронъёс асьсэлэн мылкыд каременызы ожгарчилэн сюрес вылаз султӥзы, нош одӥгез мобилизация улэ шедьыса вордскем шаерзэ утьыны кошкиз. Туннэ нуналэ  Артём Минлибаев но Александр Шарипзянов пӧламы ӧвӧл ни: соослэсь  улонзэс тушмон пуля пыраклы чигиз.

Благотворительной концерт трос калыкез огинэ карыны быгатӥз. Угось Россимы калыкеныз кужмо. Ӵошен луыса гинэ тушмон асьмемыз вормыны уз быгаты.