СВО-ысь ветеранъёслы 43 программаос улсын юрттэт возьматӥське

Регионысь валтӥсь федерал инспекторлэн Алексей Касьяновлэн кылъёсызъя, туннэ нуналэ республикаын таӵе категорие пырисьёс  43 программаос улсын  юрттэт басьтыны быгато. 

Нимысьтыз военной операцие пыриськисьёслэн но соослэн семьяоссылэн эмъюртъёсын но санаториосын тазалыксэс эскерыны луонлыксы вань. Кылсярысь, туннэ нуналэ 6700 ожгарчиос но соослэн семьяоссы  республикаысь санаториосын шутэтскизы но тазалыксэс юнматӥзы.

Со сяна, кык сюрслы матэ СВО-ысь ветеранъёс нимысьтыз центръёсы уж юаса вазиськизы. Республикаысь 90-лэсь ятыр огазеяськонъёс соосты уже кутыны мылкыд каризы. Озьы ик ожгарчиос но соослэн семьяоссы нимысьтыз дышетскон сертификатъя дун тырытэк выль удысын тодон-валан басьтыны быгато. Туннэ нуналэ таӵе луонлыкен 832 адями пайдаяськиз.

Фото: Олег Яровиков