Башкириысь 150-тӥез гумконвой СВОе пыриськисьёс доры вуиз

"Спецоперация кутскем дырысен республикаысь 17 сюрс тонна груз лэземын. Та лыдпус бордын республикаысь котькуд адямилэн люкетэз пыремын. Ожгарчиос котьку тау кылъёссэс верало, кин соослы юрттэт возьматэ. Волонтёръёс уй-нунал ужаны дась, асьсэлэсь вакытсэс, кужымзэс жалятэк. Со туж бадӟым уж, - гожтэ вк вотэс бамаз Башкортостанлэн т3роез Радий Хабиров. - Нимысьтыз тау шуисько водительёслы, гумконвоез пиосмы доры вуттӥсьёслы".
Регионэн кивалтӥсьлэн кылъёсызъя, берлось гумконоен 18 автомобиль, пиломатериалъёс, стройматериалъёс, мотоциклъёс, генераторъёс, рациос, масксетьёс, оргтехника, запчастьёс, эмъюмъёс, медоборудование, дорысьёссылэсь нимысьтыз посылкаос но трос мукетыз ыстэмын.
- Пиосмы доразы таза, сӧсырмытэк вормонэн мед бертозы. Ми соосты ваньзэс витиськом, - гожтэ Радий Хабиров.

Фото: Татышлы ёрос но гумюрттэт возьматэ.