Ожгарчиос юрттэт возьматӥсьёслы тау каро

«Бадӟым тау ваньзылы, кин милемлы ож лудэ юрттэт келя», - шуо пиос газетэ материал дасян пумысен вераськыкумы. Та нуналъёсы Янаул ёросэ отпуске бертӥз «Волна 26» позывноен ожгарчи. Со ӝегатскытэк ёрос администрацие вуиз. Отчы мынэм мугез – фронтлы юрттэт возьматӥсьёслы тау кылъёссэ вуттон: ожгарчи РФ-ысь Обороная министерстволэсь «За содействие СВО» медальёс ваем. «Медальлы кузё луизы «Башкирэнерго» ООО-лэн РЭС-эн кивалтӥсезлы Денис Ахтямовлы но «Колхоз Восток» СПК-ен кивалтӥсьлы Олег Зайнуллинлы. Соос СВО-е пыриськисьёслы котьку бадӟым юрттэт возьмато, - гожтэ вотэс бамаз Янаул ёрос администрациен кивалтӥсь Салават Гильмиев. – Улосчимылы но солэн командованиезлы вуттэм наградаосыз понна бадӟым тау. Ожгарчиослы ваньзэ умойзэ сӥзисько, соослэн Вормонэн бертэмзылы оскисько!»

Фото: соцсети Салават Гильмиев