Одӥг малпан калыкез огазеяз

Кужмо крезьгур ужрадэ ёросысь удмурт но пор гуртъёсысь фольклор ансамбльёс но оген кырӟасьёс пыриськизы. Благотворительной концерт арлыдоосты но школаын дышетскись нылпиосты огазеяз. Одӥг малпанэн люкаськем калык азьын огез бере огез вошъяськизы мур пуштресо кырӟанъёс но капчи мылкыд кузьмась эктонъёс. Озьы ик ужрадын нимысьтыз военной операцие пыриськись ожгарчиослэсь анай-атайёссэс сӥлы каризы. Угось  соослэн вордскем шаерзэс яратон мылкыд пыӵатыса будэтэм пиоссы ож бусыосын странамылэн вуоноез понна нюръясько.

Та ӝытэ удмурт но пор калык, бадӟым эшъяськон тугоко кылдытыса, нимысьтыз военной операциысь ожгарчиослы юрттэт карон вылысь тыршиз. Ужрадын поттэм 15 сюрслэсь ятыр коньдон СВО-ын луись пиосмуртъёслы пичи  ке но пыкет луоз.

Вылысь Тыхтемын ортчем благотворительной концерт сярысь тросгес лыдӟыны быгатоды газетмылэн вуоно номеръёсысьтыз.