Башкириысь 147-тӥез гумконвой СВО-е пыриськисьёс доры вуиз

Башкортостанлэн тӧроезлэн Радий Хабировлэн ӵектэмезъя, та нуналъёсы СВО-е республикаысь 147-тӥез гумконвой келязы.Юрттэт 38 воинской подразделениослы чакламын. Регионысь правительствоын ивортэмзыя, гумюрттэт республикаысь 20 муниципалитетъёсын, общественной огазеяськонъёсын, волонтёръёсын валче люкамын.

Фронтэ Башкирия ыстӥз 30 автомобиль, 86 кубометр пиломатериал, 400 FPV-дрон, куать мотоцикл, сомында ик передвижной мунчо, автомобильёслы питыранъёс, дӥськут, эмъюм, ву, сиён-юон но мукетсэ.  

Шаермес утисьёслы юрттэт возьматонлэсь Татышлы ёрос но палэнэ уг кыльы.

- Татышлы ёросысь калык огкылысь луыны, юрттэт возьматыны быгатэменыз висъяське. Ожгарчиослы черодысь гумюрттэт вуттэмын. Сое дасян сярысь трос адями сюлмаськиз. Мон данъяськисько ёросын улӥсьёсын, соос юрттэт кизэс мычыны котьку дась шуыса. Бадӟым тау ваньдылы, - гожтэ вотэс бамаз Татышлы ёрос администрациен кивалтӥсь Фанур Шайхисламов. - Пиос асьмелэсь юрттэтмес шӧдо. Ӵошен асьмеос - вормонтэм кужым!

Фото: соцсети Фанур Шайхисламов