Волонтёръёслэн ужзы дугдыса уг улы

Огез сиён-юонэн, шуныт дӥськутэн, эмъюмъёсын посылка люка, мукетыз масксеть керттыны дыртэ, куинетӥез блиндажной сюсьтыл дася.Пермь шаерысь Куеда ёросысь Гожан гуртын улӥсьёс но шаермес утисьёслы юрттэт возьматон сярысь сюлмасько. Та нуналъёсы нылкышноос огинэ люкаськизы – лапша вандӥзы.

Вераны кулэ, лапша дасяны гожанъёс нырысьсэ ӧз люкаське. Соос «Своих не бросаем» акцие азинлыко пырисько. «Шаермес утисьёс мед тодозы, ми мӧзмимы, соосты витиськом шуыса. Ӝоггес мед йылпумъяськоз нимысьтыз военной операция, пиос вормонэн доразы мед бертозы», - верало Гожанысь волонтёръёс. 

Фото: Гожанский сельский клуб