Нылпиос вормон понна тыршо

Калтасы ёросысь Чиндэр гуртысь пиосмуртъёс но странаямы кылдэм кышкыт югдурлэсь палэнэ ӧз кыле. Зэмос шаермес утисьёс выллем соос тушмонъёлы пумит султӥзы. Жаляса верано,Чиндэрысь кошкем вить ожгарчиос пӧлысь кыкез асьмелэн шудмы понна улонзэ сётӥз. Соин чиндэръёс вормонлэсь дунзэ умой валало, быгатэмзыя, ожгарчиослы юрттэт возьматыны тыршо.

Кылсярысь, та нуналъёсы гуртысьтызы нылпиос «Письмо солдату» акцие пыриськизы. Нылъёс но пиос кагаз вылэ вань шуныт кылъёссэс пыӵатӥзы. Соослэн гожтэтъёссы ожгарчиосты шумпоттозы, бурдъялозы.

Фото: Малокачаковский СК