Кышномуртъёс ожгарчиослы азьпалэзлы оскон кузьмало

Пиосмуртъёс, ож бусыосын тушмонъёслы пумит султыса, асьсэлэсь улонзэс жалятэк, вормон понна тыршо. Со вакытэ кышномуртъёс но ожгарчиослы бадӟым юрттэт возьмато. Нуналысь нуналэ нимысьтыз военной операция радъяськись интыосы гуманитарной юрттэт кошке. Быгатэмезъя, вормон понна пичиез но, арлыдоез но тырше.

Пермь шаерысь Удмурт Шагиртысь кышномуртъёслэн но СВО-лы юрттэт каремзы лыдъянтэм. Кылсярысь, та нуналъёсы соос «Домашняя лапша для бойцов СВО» акцие пыриськизы. Соослэн сюлэм шунытэнызы лэсьтэм ужзы ожгарчиослы одно ик кужым сётоз, азьпалэзлы оскон кузьмалоз.

Фото: Старошагиртский дом культуры