Вормон понна нылпиос но тыршо

Пиос, атайёс, кузпалъёс, ӵужатай-песятайёс тушмонлы пумит нюръясько. Соослы юрттэт возьматон вылысь калык гумконвой люка. Нылпиос но юрттэт возьматонлэсь палэнэ уг кылё.

Алигес Башкортостанысь школаосын «Моё национальное блюдо» флешмоб ортчиз. Со улсын школаосын дышетскисьёс пӧртэм калык сиён-юонъёс дасязы. Сюлэм шунытсэс, вормонлы осконзэс поныса дасям пӧръёссэс соос нимысьтыз военной операцие келязы.

Татышлы ёросысь Кызыл-Ярысь школаын дышетскисьёс баурсак но лапша дасязы. Нылъёслы та ужаз юрттӥськиз школаысь повар Ольга Зарипова.

Фото: МБОУ СОШ с. Нижнебалтачево