Калтасы ёросын бызьылонъя эстафета ортчиз

Туэ спорт ужрадэ ёросысь школаосын дышетскись нылпиослэн дас командазы пыриськиз, нош  гурт поселениосысь куинь командаос кужымзэс мертазы. Йылоллы пӧрмем эстафета яркыт но кужмо ортчиз.  Ужрадлэн йылпумъянъёсызъя Бадӟым Качак гурт поселениысь команда кыкетӥ интые потӥз. Нырысетӥ интыез Калтасыысь команда басьтӥз, нош куинетӥ интылы Краснохолмскийысь бызьылӥсьёс кузё луизы. Школаын дышетскись нылпиослэн командазы пӧлын качакъёслы туэ ӧз удалты, соослэн командазы вормисьёс пӧлы ӧз шедьы. Татын нырысетӥ интыез Калтасыысь нырысетӥ номеро школаын дышетскисьёслэн командазы басьтӥз, кыкетӥ но куинетӥ интыосты Бабаевоысь но Калтасыысь кыкетӥ номеро школаосын дышетскисьёслэн командаоссы люкизы.