Номырин янгыш луымтэ адямиос тушмон ки улын медаз быре

Та нуналэ шаерамы трос ужрадъёс ортчо: соос кышкытлыкъёслэсь утиськонлы сӥземын. Ермекей ёросысь Суккулово школа, кылсярысь, «Мир на ладони»акцие пыриськиз. Школаысь директорлэн советникез Светлана Иванова дышетскисьёсын терроризм сярысь вераськон радъяз. Бӧрысь нылпиос суредъёссы борды басьтӥськизы -  соос шыпыт улонэз возьматӥзы

Национальной антитеррористической комитетлэн информационной центрезлэн ивортэмезъя, Россиын  туэ 110 теракт дугдытэмын, теракт лэсьтонэн герӟаськем 1050 адями киултэмын.

***

Россиын тужгес кышкыт теракт Бесланын луиз. Йыртэмасьёс отысь школаез киултӥзы. Туннэ «Беслан» кылэз кылыса, синвуос быльырско – тодэ лыкто 2004-тӥ арысь куарусён толэзьлэн нырысетӥ нуналъёсыз. Соку тушмонъёслэн ки улазы быризы номырин янгыш луымтэ адямиос. Киултэм школаысь 333 адямиос улэпен ӧз потэ ни. Соос пӧлысь 186-ез – нылпиос. Нош 783 адями сӧсыртэмын вал.