Пуштытэм куара медаз кылӥськы

Туэ со шаерамы 18-тӥ ползэ пусйиськиз. Со улсын трос ужрадъёс ортчизы. Ермекей ёросысь Суккулово шор ёзо школаын (отын Купченеевоысь нылпиос но дышетско) «Пойми себя – пойми другого!» тренинговой ужрад ортчиз. Сое школаысь директорлэн визьноданъя советникез Светлана Иванова радъяз.

Нылпиос теракт, солэн адямиослы, улонлы кышкылык ваемез сярысь вераськизы. Тренингын соос огваланэ вуизы, улонын шыпытлык мед луоз, пуштытэм куараос медаз кылӥське, террористъёс адямиослэсь улонзэс медаз чиге шуыса.

***

Россиын тужгес кышкыт теракт Бесланын луиз. Йыртэмасьёс отысь школаез киултӥзы. Туннэ «Беслан» кылэз кылыса, синвуос быльырско – тодэ лыкто 2004-тӥ арысь куарусён толэзьлэн нырысетӥ нуналъёсыз. Соку тушмонъёслэн ки улазы быризы номырин янгыш луымтэ адямиос. Киултэм школаысь 333 адямиос улэпен ӧз потэ ни. Соос пӧлысь 186-ез – нылпиос. Нош 783 адями сӧсыртэмын вал.

Фото: МОБУ СОШ с. Суккулово МР Ермекеевский район РБ