Пермьын дышетскись Башкириысь студентъёс доразы бертыны быгатӥзы

«Мы студенты Пермского университета. Мы остались на улице в одной футболке, не можем забрать свои вещи из общежития, чтобы уехать домой, хотя бы паспорт забрать нужно, чтобы нам продали билеты на автобус. Нас трое девочек из Башкортостана! Помогите нам, пожалуйста!».

Таӵе гожтэм вуиз Башкортостан республикаен кивалтон центре (ЦУР Башкортостан) туннэ ӵукна 10 часъёсын. ЦУР-ысь специалистъёс республикаысь Дышетонъя министерствоен герӟаськизы. Юрттэт курыса вазиськилляс Абзелил, Бирск, Киги ёросъёсысь студенткаос.

Берло тодмо луиз: кыкез студенткаос туннэ ик сюрес вылэ потӥллям, соосты ӵыжы-выжыоссы пумиталозы. Огез ныл ӵуказе бертыны потоз. Документъёссы ваньзылэн киязы. Республикаысь правительстволэн вице-премьерез Ирек Сагитов юрттӥз нылъёслы доразы бертыны. Али соослэн ваньмыз умой. Нылъёслы огзылы но ыбылӥськон дыръя номыр луымтэ.

Туннэ Пермь шаерын кулэмъёсты буре ваён нунал. Тодады вайытӥськом, толон 18 аресъем студент Пермьысь кун национальной исследовательской университетын студентъёсты ыбылыны кутскиз. Башкортостанысь ЦУР-лэн командаез кулэм студентъёслэн кайгуэнызы люкиське.