Ошмес дурын чылкыт луиз

Республикаын улӥсьёс 2015-тӥ арысен «Вода России» акцие пырисько. Туэ со «Экологическое благополучие» нацпроект улсын ортче. Шур, ошмес, ты, ӵыпет дуръёсты утялтонлы сӥзем акция трос калыкез огазея. 2025-тӥ арын, кылсярысь, субботникъёс дыръя регионын жуг-жагъёслэсь мозмытэм ву дуръёслэн кузьдалазы огъя 6,4 сюрс иськем луиз. Акцие 118 сюрслэсь трос адями пыриськиз.  

Татышлы ёросысь Калмияр гурт поселениысь гуртъёсын улӥсьёс но улон интызэс чылкыт возёнлы трос саклык висъяло. «Вода России» акция улсын калмияръёс - гуртлэн улоназ мыло-кыдо пыриськисьёс - субботнике люкаськизы:Уллапал ошмесэз тазатӥзы. Жуг-жагзэ бичаса, котырысьтыз жаг турынзэ турнаса, ошмес дурын чылкыт но шулдыр луиз.

Фото: Администрация Кальмияровский сельсовет