Калык "Зелёная Башкирия" акцие пыриське

Башкортостанлэн тӧроезлэн Радий Хабировлэн кичӧлтэмезъя, республикаын 2019-тӥ арысен араз кык пол «Зелёная Башкирия» акция ортче. Экология ӧрысь проект тулыс но сӥзьыл шаермес чылкытгес но чебергес карыны юрттэ.

Кылсярысь, кылем арын «Зелёная Башкирия» акция улсын 5,2 сюрс ӝужыт будӥсь но 53 сюрс лапег луись писпуос мерттэмын. Со сяна, проектлэн 2025-тӥ арлы йылпумъянъёсызъя республикаын пииспуослэсь но куакъёслэсь 67 выль аллеяос кылдэмын.

Туэ но проект регионын ужзэ паськыт азьланьтэ. Городъёс но гуртъёс выль мерттэм писпуосын узырмо. Озьы Калтасы ёросысь Бадӟым Качак гуртысь культура юртын но администрациын ужасьёс культура юрт азе улмопуослэсь аллея мерттӥзы. Соос оско, азьпалан писпуос гурт калыкез но вуэм куноосты чеберлыкенызы но емышъёсынызы шумпоттозы.