Башкортостанын субботникъёс ортчо

Гурт калык арлы быдэ тулыс но, гужем но, сӥзьыл но улон интызэ чылкытлыкын возён сярысь сюлмаське. Лымы бырем бере ик таныповкаос гуртазы нуись бадӟым сюрес дуре дырто, жуг-жаг бичало.
- Утялтэм интыос шоры учкыса, синъёс шумпото, - гожтэ вотэс бамаз Улысь Балтач гурт поселениен кивалтӥсь Эдуард Рахимзянов.
Республикаын субботникъёс куартолэзь пумозь кыстӥськозы. Вуоно арняосын адямиос писпу мерттыны потозы. Туэ Башкортостанын выль аллеяос кылдозы. Кылсярысь, Уфаын туэ 1800 выжы писпу, 5,5 сюрслы матэ куакъёс мерттыны чакламын.