ПДД-лы сӥзем ужрадъёс ортчизы

Кушнаренко ёросысь Ахметовоысь школаын (отын Канлы гуртысь нылпиос но дышетско) радъяськем ужрадъёс пӧртэм классъёсты огазеязы. Соос сюрес вылын кышкытлыкъёслэсь утиськонлы сӥземын вал. Кылсярысь, 3-тӥ классын дышетскисьёслы «Будь внимателен и осторожен» темая классной час радъяськиз. Со шудон амалэн ортчиз. Отын пичи пешеходъёс сак луыны быгатэмзэс, ПДД-ез тодэмзэс возьматӥзы. Нош 8-тӥ классъёс дорожной знакъёс лэсьтӥзы, «Знаете ли вы дорожные знаки?» шудон дасязы. Отчы школаын дышетскисьёс пыриськизы. Таиз ужрад нылпиослэсь творческой быгатонлыкъёссэс, валче ужаны быгатэмзэс шараяз. Кыкетӥ классысь нылъёсты но пиосты «Вопросы дядюшки Светофора» ужрад витиз. Отын пиналъёс сюрес вылын ветлон куронъёслэн кылдэмзы сярысь вераськизы, «Светофорлэн» юанъёсызлы валэктонъёс утчазы.

Школаын дышетскисьёслэн нуналъёссы тунсыко но пайдаё ортчизы.

Фото: МБОУ СОШ с.Ахметово МР Кушнаренковский район