-8 °С
Лымы
Вань иворъёс
Акциос
10 Куарусён 2025, 22:24
Нылпиос ӟеч ужъёсы пырисько
Калтасы ёросысь Краснохолмскийысь кыкетӥ номеро школаын дышетскисьёс «Вера» благотворительной фондэн но «Дом с маяком» нылпи хосписэн радъяськись «Дети вместо цветов» акцие пырисько. Висись нылпиослы юрттэт возьматон уж школаын кыкетӥ арзэ нуиське.
Нылпиос ӟеч ужъёсы пырисько
Туэ но нырысетӥ куарусёнэ куинетӥ классысь нылпиос дышетӥсьсылы, ваньзы ӵош кариськыса, одӥг сяська керттэт гинэ кузьмазы. Кылем коньдонзэс соос благотворительной фондэ келязы. Секыт висёнэз вань дуннеен гинэ вормыны луоз. Сое пиналъёс умой валало. Соин соос ӟеч ужъёс борды мылысь-кыдысь басьтӥсько. Нош та нуналъёсы акцие пыриськись классъёс «Вера» благотворительной фондлэсь тау карон гожтэтсэ басьтӥзы. Оло нылпиослэн люкам коньдонзы кинлы ке улон кузьмаз, дыр.
Фото: Наша школа №2
Новости партнеров