Качакъёс акцие пыриськизы

Котыр улосэз тазатон ужрадэ бадӟымъёс гинэ ӧвӧл, нылпиос но мылысь-кыдысь пыриськизы. Ӵошен соос трос жуг-жаг бичазы. Герей шурлэсь яр дуръёссэ жуг-жаглэсь утялтыса, ваньзы шутэтскыны пуксизы. Соку Бадӟым Качакысь фельдшер Людмила Меншатова люкаськемъёслы адямилэн но инкуазьлэн адӟиськонтэм гердъёсыз сярысь вераз. Солэн кылъёсызъя, адямилэн тазалыкез котыр улослэн чылкытлыкез бордын возиське. Соин котькин но инкуазь сярысь сюлмаськыны кулэ.

Со сяна, та нуналэ культура юртын ужасьёс нылпиослы тунсыко конкурсъёс  дасязы. Шудонъёс пыр пиналъёс инкуазь сярысь трос выльзэ тодӥзы.

Фото: Большекачаковский Сдк