Калык ӟеч уж лэсьтэ

Нырысетӥ пӧсьтолэзьысен нырысетӥ куарусёнозь котькуд мылкыд карись улонын секыт югдуре шедем семьяосысь нылпиослы юрттэт карыны быгатэ. Ӟечлыкен пыӵам марафон регионын толэзьлэсь кема кыстӥське ини. Со дырысен тросэз коньдонлы паймыса улӥсь семьяос шӧдскымон юрттэт басьтӥзы.

Калтасы ёрос благотворительной акцие котькуд ар мылысь-кыдысь пыриське. Туэ но татысь калык ӟеч уж лэсьтонлэсь палэнэ ӧз кыльы. Дышетон, культура удысын ужасьёс юрттэт кулэ карись нылпиосты тетрадьёсын, ручкаосын, карандашъёсын но мукет арбериосын тырмытӥзы.

Фото: Служба семьи в Калтасинском районе