Ву дуръёсын чылкыт мед луоз

Шур, ӵыпет, ошмес, ты котыръёсты утялтонлы сӥзем акция трос калыкез огазея. Кылем арын, кылсярысь, субботникъёсын регионын огъя 900-лэсь трос объектъёсты тазатӥзы. Жуг-жагъёслэсь мозмытэм ву дуръёслэн кузьдалазы 3300 иськемлэсь ятыр луиз. Акцие 70 сюрслэсь трос адями пыриськиз.  

Янаул ёросысь Орловка гурт поселениысь гуртъёсын улӥсьёс но улон интыоссэс тазатонлы трос саклык висъяло. «Вода России» акция улсын орловкаос туннэ, 3-тӥ июле, гуртысьтызы ӵыпет дурысь жуг-жаг бичаны потӥзы. Со сярысь Орловка гурт поселенилэн администрациеныз кивалтӥсь Любовь Шамшурина вотэс бамаз гожтэ. Ужрадэ пыриськисьёслы со тау кылъёссэ вера.  

Фото: соцсети Любовь Шамшурина