Библионочь ож аръёсы вуттӥз

Янаул ёросысь Максим гуртысь библиотека но акцие пыриськиз. Татын ортчем литературно-музыкальной ужрад «Дорогами войны» нимаськиз. Библионочь туэ «Свои герои» тема улсын ортчиз. Со Шаермес утисьлэн арез но Быдӟым Атыкай ожын Вормонлы 80 ар тырмон улсын радъяськиз. Ужрадын ож сярысь кылбуръёс, кырӟанъёс чузъяськизы. Соос котькинэ ортчем аръёсы вуттӥзы, кышкыт дыръёсты тодазы ваизы.

Ужрадэ лыктэмъёс мастер-классэ но пыриськизы. Соос Вормон Нуналлы брошь лэсьтӥзы.

Та ӝытэ библиотекаын «Страницы книг расскажут о войне» книгаосын адӟытон но дасямын вал.

Фото: Максимовская Сельская Модельная Библиотека