Утялтӥськон ужъёслэсь палэнэ уг кылё

Котыр улос чылкыт ке, улыны но, шоканы но капчи. Угось калыкын тодытэк уг верало, дыр: чебер но шудо улэмед потэ ке, чылкытлык сярысь эн вунэты.

Тулыс вуэмен, калык субботникъёсы ӵем люкаське. Кивалтэтэн ялэм акциос улсын гинэ ӧвӧл, ачиз мылкыд каремезъя но адями улон котырзэ утялтэ.

Пермь шаерысь Вуж Шагирт культура юртын ужасьёс тазатӥськон ужрадъёслэсь палэнэ уг кылё. Кылсярысь, та нуналъёсы соос «Зелёная весна» акцие пыриськизы но культура юрт котырысь жуг-жагез октӥзы. Ӝоген, сослэн тыршемзылы шумпотыса, утялтэм интыосазы вож-вож гуждор потоз.

Фото: Старошагиртский дом культуры

Автор:Венера Ильбаева

Читайте нас

Партнеры