Книгаослы но юрттэт кулэ

«Орлята России» программа «Образование» нацпроект улсын кылдытэмын. Со пӧртэм трекъёслэсь сылэ: отчы пыриськисьёс огазе кариськыса, ар ӵоже пӧртэм творческой ужъёс быдэсъяло.
Кылсярысь, та нуналъёсы Янаул ёросысь Шудек школаысь "ӧрӟиос" пыриськизы "Орлята помогают книгам" акцие. Кыкетӥ классын дышетскисьёс, дышетӥсьсы М. А. Ямкаева кивалтэм улсын школалэн библиотекаысьтыз книгаосты "эмъязы", "дӥсятӥзы". Милана Александровна нырысь пиналъёслы книгаосты утялтон сярысь вераз, книгаен ужан памяткаос сётӥз. Нылъёслы но пиослы выль ужзы туж кельшиз. Соослэн ужзы юнме уз луы: выльдэм книгаос табере лыдӟисьёсты шумпоттозы.

Фото: МБОУ ООШ с.Шудек