Башкириын «Зелёная Башкирия» акция кутске

Эко-акция 10-тӥ маёзь кыстӥськоз. Шоркармылэн мэрияз ивортэмзыя, туэ Уфаын 4000-лэсь трос бадӟым писпуос мерттыны чакламын. 18 тематической аллеяос кылдозы, отын 800-лы матэ декоративной писпуос но 500-лэсь ятыр куакъёс будозы. Со сяна, 3600 выжы гортензиос но 1,5 миллион однолетней сяськаос мерттыны чакламын.

Писпу мерттонлы сӥзем субботникъёс республикаысь мукет городъёсын, ёросъёсын но радъяськозы.