Пиналъёс ПДД-лы сӥзем акцие пырисько

Башкортостанысь ГИБДД «Внимание, дети!» акция улсын республикаысьтымы нылпи садъёс пӧлын «Зима снежная и безопасная» челлендж ялӥз. Нылпи садын ужасьёс но отчы ветлӥсь пиналъёс ПДД-лы сӥзем ужрадэ мыло-кыдо пырисько. Нылпи садъёслэн азбарысьтызы лымылэсь светофорез но, регулировщикез но, дорожной знакъёсты но, автомобильёсты но адӟыны луэ. Пичиос, чылкыт омыре потыкузы, сюрес вылын ветлон правилоосты тодазы ваё, воспитательёс соосты выль правилоосын тодмато.

Татышлы ёросысь Бальзюга гуртысь нылпи сад но «Зима снежная и безопасная» республика челлендже пыриське. Нылпи садлэн азбараз ПДД-лы сӥзем лымылэсь «дорожной» фигуркаос йӧн-йӧн сыло, пичильтыкъёсты но соослэсь анай-атайёссэс пумитало.  

Фото: https://vk.com/id95533625?z=photo95533625_457239469%2Fwall95533625_1236