100 машиналэсь автоёлка ӝуатскиз толон Уфаын

Уфалэн Октябрьской ёросаз кӧснунал ӝыт 100-лэсь ятыр машинаос бадӟым ёлка кылдытӥзы. Машинаос ӝуатэм фараосын но аварийной сигнализациосын кызлы кельшись фигура кылдытыса султӥзы. Уфаысь автомашинаосын ветлӥсьёс сяна, флешмобе пыриськизы бускель регионъёсысь машинаосын куноос но - Татарстанысь, Челябинск, Оренбург улосвылъёсысь но Пермь шаерысь. «Нырысь ми разметка лэсьтӥм, собере кык час куспын бадӟым ёлка кылдытӥм. Милям Уфаын улӥсьёслы Выль ар мылкыд пыӵатэммы потӥз», — вера Уфалэн Октябрь ёросысьтыз администрацилэн физической культурая но спортъя комитетэныз кивалтӥсь Леонид Ильин. Уфаын улӥсьёсты Выль арен ӟечкылазы Тол Бабаен Лымыныл, Октябрь ёрослэн администрациеныз кивалтӥсьлэн воштӥсез Алена Одинцова, йӧспӧртэм флешмобе пыриськыны курыса вазиськись видеоблогер Александр Коноров. Кызлэсь «вайёссэ» кылдытӥсь машинаос куд-огъёсыз гирляндаосын чеберъямын вал, нош куд-ог водительёс но пассажиръёс пӧртэм Выль ар костюмъёс дӥсяллям.