Писпу мерттыны трос калык потӥз

Акция «Жильё и городская среда» нацпроектлэн «Формирование комфортной городской среды» федерал проектэз улсын радъяське.

Республикамылэн шоркараз, кылсярысь, туэ сӥзьыл 3800 писпу мерттыны чакламын. Та дыре 1420 писпу но 526 куакъёс мерттэмын. Калтасы ёросысь Бадӟым Качак гурт поселение но акцие пыриськиз. Чиндэр гуртын кылем сӥзьыл Быдӟым Атыкай оже быремъёсты буре ваён аллея кылдӥз. Чиндэръёс кутскем ужзэс туэ но азьланьтӥзы: «Зелёная Башкирия» акция улсын отчы писпу мерттыны потӥзы. Янаул ёросысь Вуж Вараш гурт поселение пырись гуртъёсын улӥсьёс но инкуазез утялтонлы сӥзем ужрадлэсь палэнэ ӧз кыле: шур дуръёсысь, ошмесъёс котырысь жуг-жаг бичазы, куасьмем жаг турынъёсты турназы, тулыс мерттэм писпуосты эскеризы, куасьмемъёсыз интые выльзэ мерттӥзы.

Максим гурт поселение пырись гуртъёсын улӥсьёс палэзь, сьӧдпалэзь пудъёс, легезьпу но кыз мерттӥзы. Гурт поселенилэн администрациеныз кивалтӥсь Альмир Хузин акцие пыриськемъёслы тау кылъёссэ вера.

Фото вотэс бамысь басьтэмын.