Асавкаын Вормон Нуналлы сӥзем митинг ортчиз

«Эхо победы в наших сердцах!» ужрад Россия Федерацилэсь но Башкортостан Республикалэсь гимнзэ быдэстон бордысен кутскиз. Митинге Балтач ёрос администрациен кивалтӥсь Ильгиз Субушев, Тошкур гурт поселенилэн администрациеныз кивалтӥсь Булат Аглямов, Совето Союзысь Геройлэн Ульмас Шакировлэн пиез Владислав Шакиров но мукетъёс пыриськизы. Соос Вормон Нуналэн ӟечкылазы, шудбуро улон но сайкыт инбам сӥзизы. Школаын дышетскись нылпиос кылбуръёс лыдӟизы, шаермес утисьёсты данъязы. Нош собере ужрадэ пыриськисьёс чебер дуннемы понна улонзэс сётэм песяй-песятайёсты, ӵужай-ӵужатайёсты буре вайыса одӥг минут чус сылӥзы но обелиск азе сяськаос понӥзы.

Туспуктэм: https://lib-baltach.ru/2024/05/22675/