Йыр вадьсамы ин котьку чылкыт мед луоз!

Туннэ шаермы валтӥсь праздникез пусъе. Со улсын пӧртэм интыосын торжественной ужрадъёс ортчо. Татышлы ёросысь Вылысь Татышлыын Вормон Нуналлы сӥзем митинг ӵукна дас часын кутскиз. Солэсь азьвыл мемориальной комлекс азе венокъёс но сяськаос понӥзы.

Митингын вераськизы Татышлы ёрос администрациен кивалтӥсь Фанур Шайхисламов но ёросысь Ветеранъёслэн Кенешенызы кивалтӥсь Анас Магзумов. Оже быремъёсты одӥг минут чус сылыса буре ваизы.

Бӧрысь парад кутскиз. Отчы пыриськизы Вылысь Татышлыысь 1-тӥ но 2-тӥ номеро школаосын дышетскисьёс, «Березка», «Радуга» но «Ромашка» нылпи садъёсы ветлӥсьёс.

«Бессмертныйполк» трос адямиосты огазеяз. Бадӟымъёсын артэ пичиос но оже пыриськем матысьёссылэн туспуктэмъёсынызы урамъёстӥ ортчизы. Вормон Нуналлы сӥзем праздник шулдыр концертэн йылпумъяськиз.