-3 °С
Салкым
Антитеррор
Вань иворъёс
9 мая - День Победы
9 куартолэзе 2022, 11:00

Йыбырттӥськом ваньмы шудо улонмы понна!

Туэ Вормон Нуналэз 77-тӥ ползэ пумитаськомы.

Йыбырттӥськом ваньмы шудо улонмы понна!
Йыбырттӥськом ваньмы шудо улонмы понна!

1945-тӥ арын Совето Союзысь ожгарчиос Быдӟым Атыкай ожын кышкыт тушмонэз пазьгизы. Соос ӟуч калыкез быдтыны малпазы ке но, песяй-песятайёсмы, ӵужай-ӵужатайёсмы ӧз сётӥське. Шаерысьтымы трос пӧртэм калыкъёс тушмон пумитэ кышкатэк огӵош султӥзы, ӟуч музъемез утизы. 

Туннэ ветеранъёслы, ож бусые кылем вань солдатъёслы, ож мышкын тыршем адямиослы вадьсысьтымы чылкыт инбам понна бадӟым тау шуиськом. Быдӟым Вормон праздникмы асьмелы котьку возьматоз, калыкмы тушмон азьын ноку уз чигна шуыса. Со нылпиосыз, нылпиосызлэн нылпиосыз ожмаськонэз медаз адӟе шуыса тыршоз, секыт ке но, вормон понна вань кужымзэ но улонзэ сётоз.

Башкортостанысь удмуртъёслэн Национально-культурной центрзылэн Кенешез.

Суредэз Вадим Шайхлисламовлэн.

Калтасы ёросысь Бадӟым Качак гурт. 

 

Автор:Оля Нигаматуллина
Читайте нас: